Arjeta Puca është bashkëthemeluese e “Timak”, një kompani që prodhon dhe shet makineri ndërtimi, pjesë këmbimi dhe mjete të specializuara për shërbime publike, me degë në Shqipëri, Kosovë dhe Maqedoni.
Aktualisht, një në çdo 2 autoambulanca në Shqipëri mban emrin e kompanisë sonë, Timak. Së fundmi, Timak ka eksportuar produktet e saj “Made in Albania” në Maqedoni, Kosovë, Libi dhe Kili. Vizionit të Arjeta-s është të ndërtojë një biznes të fortë shqiptar që do të rritet dhe do të bëhet një prani dominuese në të gjithë Evropën dhe më pas në mbarë botën — një kompani që do të ndikojë në reputacionin e industrisë shqiptare duke rritur prestigjin e mallrave shqiptare në këto tregje.
Startup Grid Tirana po mirëpret Arjeta Puca:
Ajo do të tregojë më shumë rreth përvojës së saj si sipërmarrëse në këtë fushë biznesi, e cila mund të konsiderohet e pazakontë për një grua, vizionin e saj dhe rrugëtimin drejt këtij suksesi.
Ky event fillon në orën 17:30 dhe do të transmetohet drejtpërdrejt në faqen në Facebook të Startup Grid Tirana.
