Në TIMAK, jemi krenarë të njoftojmë bashkëpunimin tonë më të fundit me Deutsche Gesellschaft für Internationale Zusammenarbeit (GIZ) GmbH, duke shënuar një hap tjetër drejt mbështetjes së zgjidhjeve të qëndrueshme për menaxhimin e mbetjeve në nivel global. Si pjesë e këtij projekti, 5 kamiona për menaxhimin e mbetjeve do të dorëzohen në Jordani, duke përmirësuar efikasitetin e mbledhjes së mbetjeve dhe duke kontribuar në një mjedis më të pastër dhe më të qëndrueshëm.
Për të garantuar standardet më të larta të cilësisë dhe besueshmërisë, automjetet iu nënshtruan një inspektimi të plotë para dërgesës dhe mirëmbajtjes parandaluese në ambientet e TIMAK në Shqipëri. Ky proces rigoroz, i realizuar në partneritet me ekipet tona të përkushtuara, siguron që secili automjet të përmbushë kërkesat specifike të përcaktuara nga klienti dhe të respektojë rregulloret jordaneze për automjetet e menaxhimit të mbetjeve.
Garancia e Cilësisë
Procesi i detajuar i inspektimit konfirmoi se të 5-të kamionat e menaxhimit të mbetjeve:
- Përmbushin specifikimet teknike të kërkuara nga klienti,
- Janë plotësisht në përputhje me rregulloret dhe standardet jordaneze,
- Janë në gjendje optimale operacionale dhe të gatshme për përdorim të menjëhershëm.
Në TIMAK, asnjë detaj nuk mbetet i pa kontrolluar. Nga testet e funksionalitetit deri te vlerësimet e sigurisë, fokusi ynë mbetet në ofrimin e automjeteve të besueshme dhe me performancë të lartë, të cilat plotësojnë nevojat e komunave dhe operacioneve të menaxhimit të mbetjeve në mënyrë efikase.
Drejt Jordanisë
Pas kontrolleve përfundimtare të cilësisë dhe aprovimit, makinat së shpejti do të nisin rrugëtimin drejt Jordanisë. Ky projekt reflekton përkushtimin tonë për të ofruar zgjidhje inovative që përmirësojnë efikasitetin e menaxhimit të mbetjeve duke mbështetur një zhvillim mjedisor të qëndrueshëm.
Duke zgjeruar bashkëpunimet tona ndërkombëtare, TIMAK mbetet e palëkundur në misionin për të ofruar ekspertizë inxhinierike dhe për të sjellë një ndikim të rëndësishëm në komunitetet anembanë botës.
Një falënderim i veçantë për GIZ dhe të gjithë partnerët e përfshirë për besimin dhe mbështetjen në realizimin e këtij projekti me sukses.
